sapney

koi sapney dikhata nahi
hum khud hi sapney buntey hain
khushiyan sametney ko
bhavishya se lipatney ko
hum sapno ko buntey hain
koi sapney dikhata nahi

par kya sabhi sapney shekh chilli key sapney hotey hain
kya sabhi sapney hawa mein mahel jaise hotey hain

merey sapno ka bij
merey sapno ki neev
hum tum hain
hum tum hain aur humara saath
hum tum hain aur humara pyar

sapney bantey bigadtey rehtey hain
din pratiden badaltey rehtey hain
dard sapno key bikharney se hota hai
aur gehra ho jata hai jab insan samajhney pey majboor hota hai
ye sochney pe majboor hota hai
ki tu keval sharir hai
teri aawaz teri karrahat
kisiko sunayee nahi deti

dikhti nhai teri chot
dikhta hai tou sirf tera sharir
tera sharir jo tap raha hai
gussey mein, gal raha hai

kitna aasan hota hai
ek insan ko sirf sharir mein rupantar kar dena

sharir se rishtey pal do pal key hotey hain
usey jala dena dafna dena aasan hai
uskey saath milkar buney sapno ko bewajud kar dena aasan hai

aaj sharir baazar mein biktey hain
bus stand, railway station aur hotalon mein biktey hain

biktey nahi to rishtey
rishtey biktey nahi

sapno key tutney ka kya gam hai
sapney tou rishton ki gehrai
uskey sarthkta aur samman key suchak hain

socho jisney ghar ka sapna dekha wo kyon dekha
jab dikha ki rishta aab baas raha hai
humey baserey ki jarurat hai
jab dikha ki apney mein se koi chaheye tou wasey sapney dekhey

sapnpy ko neev mein kya hai
jab sapnoy ki neev ko koi hilata hai
usey sharir tak samet deta hai
tou kya hot hai

agar main janti ki ye rishta nahi
ye sirf sharir hai
tou kya mein sapney buntey
kya mujhey unkey tutney pe
unkey bikhar ney pe kuch hota
kya koi chikh nikalti
kya koi aanso behta
kay koi siski bharta